کیا فوت شدہ مسلمان اپنے گھر والوں کے اعمال پر مطلع ہوتے ہیں ؟

اس آیت میں یہ دلیل ہے کہ شہداء اپنے جن لواحقین کے متعلق متفکر رہتے ہیں اُن کے احوال اُن پر منکشف کر دیئے جاتے ہیں اور اس آیت میں اصحاب اُحدکے لیے یہ بشارت ہے کہ اُس دن کے بعد اُن کو کوئی پریشانی لاحق نہ ہو گی۔ امام احمد بن حنبل متوفی 241ھ اپنی سند کے ساتھ روایت کرتے ہیں: حضرت انس بن مالک رضی اللہ عنہ بیان کرتے ہیں کہ حضور نبی کریم ﷺ نے فرمایا : تمہارے اعمال تمہارے فوت شدہ عزیزوں اور رشتہ داروں پر پیش کیے جاتے ہیں اگر وہ اچھے عمل ہوتے ہیں تو وہ اُن سے خوش ہوتے ہیں اور اگر وہ عمل اچھے نہ ہوں تو وہ دعا کرتے ہیں اے اللہ ! ان کو ہدایت دینے سے پہلے ان پر موت طاری نہ کرنا جس طرح تو نے ہمیں ہدایت دی ہے۔(مسند احمد ج 3، ص 175، مطبوعہ دارالفکر بیروت ) (تبیان القرآن،ج2،ص470)